ಮತ್ತ್ ಶನಿವಾರ ಬಂತ್ ಅಂತೇಳಿ ಮುಂಜಾನಿ ಲೇಟ್ ಆಗಿಎದ್ದ್ ಅರಿವಿ ತೊಳ್ದು ಹಾಕಿ, ಉಡುಪಿ ಹೋಟೇಲ್‌ನ್ಯಾಗ್ ಬನ್ಸ್ ಕೊಬ್ಬರಿ ಚಟ್ನಿ ಕಟದು ವಿಜಯನಗರ್ ಕಡೆ ಹೊಂಟೆ. ಬ್ಯಾಚಲರ್ ರೂಮ್ ಹೇಂಗಿರ್ಬೆಕ್ಪಾ ಅಂದ್ರ್ ನಮ್ ಈ ರೂಮ್ ನೋಡ್ಬೆಕ್ರಿ ನೀವು. ಆ ರೂಮ್ನ್ಯಾಗಿನ್ ಆಕ್ಚುವಲ್ ರೂಮ್ಮೇಟ್ ಯಾಂವೂ ಹೊಸಬ ಯಾಂವೂ ಒಂದು ಗೊತ್ತಾಗಂಗಿಲ್ಲ ಅಷ್ಟ್ ಮುಸುಡಿ ತುಂಬಿರ್ತಾವ್ ರೂಮ್ನ್ಯಾಗ್ ಆ ರೂಮ್ನ್ಯಾಗ್ ಏನಾರ ಅಪ್ಪಿತಪ್ಪಿ ಮರ್ತ್ ಬಂದ್ರ್ಲಾ ಅದನ್ನ್ ಮರ್ತ್ ಬಿಡೋದ್ ನೋಡ್ರಿ, ಅವ್ನೌನು ಅವ್ರ್ ರೂಮ್ನ್ಯಾಗ್ ಅವ್ರ ಬಟ್ಟೆ ಅದು ಇದು ಕಳ್ಕೊಂಡ್ ಹುಡ್ಕ್ತ ಇರ್ತಾವ್. ಇಡೀ ದಿನ ಇಲ್ಲೆ ರೂಮ್ನ್ಯಾಗ್ ಬಿದ್ದ್ ಹೊಳ್ಯಾಡೂದ್ ಆಗೂಂಗಿಲ್ಲ್ ಅಂತೇಳಿ ಎಲ್ಲಾರ ಟ್ರಿಪ್ ಹೋಗೂದ್ ಡಿಸೈಡ್ ಆತು. ಬಿಸಿಲೆ ಘಾಟ್ ಬೈಕ್ ರೈಡ್ ಮಾಡ್ಕೊಂಡ್ ಮತ್ತ ಕುಮಾರಪರ್ವತ ಟ್ರೆಕಿಂಗ್ ಮಾಡುದ್ ಅಂತೇಳಿ ಯಾಂವ್ಯಾಂವ್. ಬರೂಂವ ಅಂತಾ ಎಲ್ರಿಗೂ ಕೇಳಿ ರಾತ್ರಿ ೧ ಗಂಟಿಗ್ ನೆಲಮಂಗಲದಾಗ್ ಮೀಟ್ ಆಗೂ ಪ್ಲಾನ್ ಆತ್. ವಿಜಯನಗರ್ಕಡಿಂದ ನಾನು, ಪ್ರಣಯರಾಜ (ಚೇತ್ಯಾ), ಹಂದಿ (ಸೋಮ್ಯಾ), ಕುಕ್ಕಾ(ಚಂದ್ರ್ಯಾ), ಪಪ್ಪೀ(ವಿರೂಪ್ಯಾ), ಲೇಟ್(ಮಾಂತ್ಯಾ), ಬಗ್(ಬ್ಯಾಡ್ಗಿ), ರಘುರಾಮ, ಅಜಿತ್ ಮತ್ತ್ ವೈಟ್ಫೀಲ್ಡ್ ಕಡಿಂತ ಬತ್ತಿ(ವೀರೇಶ್), ಹುಲಿರಾಯ(ಸುಧ್ಯಾ) ಬರೂರ್ ಇದ್ರ್.
೧ ಗಂಟಿಗ್ ಎಲ್ಲಾ ನೆಲಮಂಗಲದಾಗ್ ಚಾ ಕುಡ್ದು ಅಲ್ಲಿಂದ ಹೊಂಟ್ವಿ. .ಮುಂದ್ ಹಿಂಗ್ ಎಲ್ಲಾ ಟೋಲ್ದಾಗೂ ನಿಲ್ಸಿ, ಚಾ ಕಟಿಯುದು ನಮ್ ಕುಕ್ಕಾಂದು favourite ಬನ್ ತಿನ್ನೂದು, ಹಂಗ ನಮ್ ಲೇಟ್ ಮಾಡಹತ್ತಿದ್ ಜುಂಬಾ ಸ್ಟೆಪ್ಸ್ ಮಾಡುದ್ ಯಾಕಂದ್ರ್ ಬೈಕ್ನ್ಯಾಗ್ ಕುಂತ್ ಕುಂತ್ ಕುಂಡಿ relaxation ಬೇಡ್ತಿದ್ವು. ಹಿಂಗ ಮಾಡ್ಕೋಂತ ಹಾಸನದ್ ಹತ್ರ ಬಂದ್ವಿ. ಅಲ್ಲಿ ಒಂದ್ ಟೋಲ್ನ್ಯಾಗ್ ನಾ ಬೈಕ್ ಪಪ್ಪೀಗ್ ಕೊಟ್ಟೆ ನಮ್ ಕುಕ್ಕಾನ್ ಗಾಡ್ಯಾಗ್ ನಾ ಕುಂತೆ. ಆಕ್ಚ್ಯುವಲೀ ಅವನ ಗಾಡಿ ಒಂದ್ ಬಿಟ್ಟ್ ಎಲ್ಲಾ occupy ಆಗಿ ಹೋದ್ವು. ಅದಕ್ಕ್ reason ಆಮ್ಯಾಲ್ ಗೊತ್ತಾತ್, ಕುಕ್ಕಾ ಹುಚ್ಚ್ನಾಯಿ ಹಂಗ ಗಾಡಿ ಕಟಿಯಾಕ್ ಶುರು ಹಚ್ಚಿದ, ಎಲಾ ಇವನೌನು ಒಳ್ಳೆ ಇವನ್ ಗಾಡಿಯಾಗ್ ನಾ ಕುಂತೆ ಅಂತ ಅನ್ಸಾಕ್ಹತ್ತು, ಹಂಗ ಸಕಲೇಶ್ಪುರ ಹತ್ರ ಬಂದಾಂಗ ಒಂದು hard curveನ್ಯಾಗ ಇಬ್ರೂ ಬುಲೆಟ್ ಜೊತೆಗೆ ಉಳ್ಡಿದ್ವಿ. ಹಂಗ ಹಿಂದ್ ನಮ್ ಹುಡುಗ್ರೆಲ್ಲಾ ಬಂದು ಗಾಡಿ ಎತ್ತಿ ಮತ್ತ್ ಅದ್ರಾಗ್ ಕಾಮೆಡೀ ಮಾಡ್ಕೊಂಡ್ ಸಕಲೇಶ್ಪುರ ರೀಚ್ ಆಗಿ ಫೋರ್ಟ್ಗೆ ಹೋದಾಗ ೬ ಗಂಟಿ ಅಗಿತ್ತ್. ಆಮ್ಯಾಲ್ ಸಕಲೇಶ್ಪುರದಾಗ್ ನಾಷ್ಟಾ ಮುಗ್ಸಿ ಅಲ್ಲಿಂದ ಬಿಸಿಲೆ ಘಾಟ್ ಕಡಿಗ್ ಹೊಂಟ್ವಿ. ಅದ್ಕೂ ಮೊದ್ಲ ಮಲ್ಲಳ್ಳಿ ಫಾಲ್ಸ್ ನೋಡ್ಬೆಕ್ ಅಂತೇಳಿ ಅಲ್ಲಿಗ್ ಹೋದ್ವಿ. ಅಲ್ಲಿಗ್ ಹೋಗುದ್ರ್ ಒಳಗ ಎಲ್ರಿಗೂ ಸುಸ್ತ್ ಆಗಿತ್ತ್ ರಾತ್ರಿ ನಿದ್ದೆ ಬ್ಯಾರೆ ಇರ್ಲಿಲ್ಲಾ, ಫಾಲ್ಸ್ ಹತ್ರ ಹೋಗಿ ಟೆಂಟ್ ಹಾಕ್ಕೊಂಡ್ ಅಲ್ಲೇ ಮಧ್ಯಾಹ್ನ ತನ ನಿದ್ದಿ ಹೊಡ್ದ್ ಅಲ್ಲಿಂದಾ ಬಿಸ್ಲೆ ಘಾಟ್ಗೆ ಹೋದ್ವಿ.
ಬಿಸ್ಲೆ ಘಾಟ್ ಹಸಿರ್ ತುಂಬ್ಕ್ಯಾಂಡ್ ಇರೂ ಒಂದ್ ಕಾಡ್ ಐತಿ. ನಾವ್ ಹೋಗಿದ್ ಸೆಪ್ಟೆಂಬರ್ನಾಗ್ ಆಗಿದ್ದಕ್ಕ ಸಣ್ಣಗ್ ಸುರಿಯೋ ಜಡಿ ಮಳಿ ನಮ್ಮನ್ ವೆಲ್‌ಕಮ್ ಮಾಡ್ತು. ನಾವೂ ಹಂಗ ಆ ವೆಲ್‌ಕಮ್ ನಾ ಖುಷಿಂದಾನ ತಗೊಂಡ್ ಮಳಿಯಾಗ ಹಂಗ ಗಾಡಿ ಹೊಡ್ಕೊಂಡು ಹೊಂಟ್ವಿ. ಯಾವ್ದೋ ಕಾಲ್ದಾಗ್ ಇಲ್ಲಿ ರಸ್ತೆ ಇತ್ತ್ ಅಂತೇಳೋ ಕಲ್ಲು ಪೊಟರೆ ರಸ್ತೆ, ರಸ್ತೆದಾಗ ಹರಿಯೋ ಹೊಳೆ, ಸುರಿಯಾಕ ಹತ್ತಿದ್ ಮಳೆ ಸಂಬಂಧ ಆಗಿರೋ ಮಂಜು, ಕತ್ಲು, ಅದರ್ ಮಧ್ಯಾ ನಮ್ ಬೈಕ್ ರೈಡ್ ಭಾಳ್ ಸೂಪರ್ ಆಗಿನ ಎಂಜಾಯ್ ಮಾಡ್ಕೊಂಡ್ ಕುಕ್ಕೆ ಹೋಗಿ ಮುಟ್ಟೀದಾಗ್ ಸಂಜೆ 6 ಗಂಟೆ ಆಗಿತ್ತ. ಅಲ್ಲೇ ಕುಕ್ಕೆದಾಗ ಒಂದು ಲಾಡ್ಜ್ನ್ಯಾಗ್ ರೂಮ್ ಮಾಡಿ ಉಳಿದು, ಮರುದಿನ ಮುಂಜಾನೆ ಎದ್ದ್ ಕುಕ್ಕೆ ದರ್ಶನ ಮುಗ್ಸಿ, ಟೆಂಟ್ ಮತ್ತ್ ಟ್ರೆಕಿಂಗ್ ಬೇಕಾಗಿರೋ ಎಲ್ಲ ಲಗೇಜ್ ತಗೊಂಡ್ , ಹಾದ್ಯಾಗ್ ತಿನ್ನಾಕ್ ಎಲ್ಲ ತಗೊಂಡು, ಲಾಡ್ಜ್ನಿಂತ ಟ್ರೆಕಿಂಗ್ ಸ್ಟಾರ್ಟ್ ಪಾಯಂಟ್ಗೆ ಆಟೋದಾಗ್ ಹೋದ್ವಿ.
ಅಲ್ಲಿಂದ ಕಾಡ್ನ್ಯಾಗ್ ಗುಡ್ಡ ಹತ್ತೂದು ಮತ್ತ ಇಳಿಯೂದು, ಅಲ್ಲಲ್ಲಿ ಕುಂತು ರೆಸ್ಟ್ ತಗೋಳುದು, ಆದ್ರ ನಡುಕ್ ನಮ್ ಹುಡುಗ್ರ್ ಕಾಮೆಡೀ ಹಿಂಗ್ ಮದ್ಯಾನ್ಹ ಆಗ್ತಿದ್ದಾಂಗ ಭಟ್ರ ಮನೆ ಕಡಿ ಬಂದ್ವಿ, ಅಲ್ಲಿಗ ಮೊದ್ಲೇ ಫೋನ್ ಮಾಡಿ ೧೨ ಜನ್ರಿಗ ಊಟಕ್ಕ ಹೇಳಿದ್ವಿ, ಅವ್ರು ರೆಡೀ ಮಾಡಿ ಇತ್ಟಿದ್ರ, ಸರಿ ಎಲ್ಲಾ ಸೇರಿ ಮತ್ತ ಊಟ ಹೊಡೆದು ಒಂದು ಸಣ್ಣ ನಿದ್ದಿ ಹೊಡೆದ್ವಿ. ಎದ್ದು ಮ್ಯಾಲ ಪೀಕ್ ರೀಚ್ ಆಗೋಣ ಅಂತ ನೋಡಿದ್ರೆ, ಹಿಂದಿನ ತಿಂಗಳ ಯಾಂವನೋ ಮಂಗ್ಯಾನ ಮಗ ಟ್ರೆಕಿಂಗ್ ಮಾಡಾಕ್ ಹೋಗಿ ಕಳೆದು ಹೋಗಿದ್ನಂತ ಅದಕ್ಕ ನಾವು ಯಾರಿಗೂ ಪೀಕ್ಗೆ ಬಿಡುದಿಲ್ಲ ಅಂತ ಫಾರೆಸ್ಟ್ ಚೆಕ್ ಪೋಸ್ಟ್ನ್ಯಾಗ್ ಬತ್ತಿ ಇಟ್ರ ನಮಗ. ನಾವು ಮುಖ ಒಣಗಿಸ್ಕೊಂಡ್ ಇಲ್ಲೆ ಭಟ್ರ ಮನಿ ಕಡಿನ ಒಂದು ಪೀಕ್ ಹುಡುಕಿ ಅಲ್ಲೇ ಟೆಂಟ್ ಹಾಕಿ ರಾತ್ರಿ ಕಳಿಯೋ ಹಂಗ ಮಾಡ್ಕೊಂಡ್ವಿ. ಸಂಜೆಕಡಿಗ ಪೂರ ಅಲ್ಲೇ ಮಸ್ತಿ ಮಾಡಿ ರಾತ್ರಿ ಭಟ್ರ ಮನಿಗ ಊಟಕ್ಕ್ ಹೊಂಡ್ಬೇಕು ಅಂತ ನೋಡ್ತೀವಿ ಟಾರ್ಚ್ ಬಿಟ್ರು ಏನು ಕಾಣ್ಲಾರದಷ್ಟು ಮಂಜು , ಅದರಾಗ ಹೆಂಗೋ ಭಟ್ರ ಮನೀಗ್ ಹೋಗಿ ರಾತ್ರಿ ಊಟ ಮಾಡಿ ಟೆಂಟ್ ಹಾಕಿದಲ್ಲಿಗ್ ಬಂದು ಟೆಂಟ್ ಸೇರಿದ್ವಿ, ಹಂಗ ರಾತ್ರೆಲ್ಲಾ ಮಳಿನೂಸರಿಯಾಗಿ ಕಟಿತು. ಮುಂಜಾನಿ ಎದ್ದು ನೇಚರ್ ಕಾಲ್ನಾ ನ್ಯಾಚುರಲ್ ಆಗಿ ಮುಗ್ಸಿ, ಟೆಂಟ್ ಕಿತ್ಕೊಂಡು ಅಲ್ಲಿಂದ ವಾಪಸ್ ಇಳಿಯಾಕ್ ಶುರು ಹಚ್ಚೀದ್ವಿ. ವಾಪಸ್ ಲಾಡ್ಜ್ಗೆ ಬಂದು ಸ್ನಾನ ಮಾಡಿ ರೆಡೀ ಆಗಿ ಕುಕ್ಕೆ ದೇವಸ್ಥಾನದಾಗ ಊಟ ಹೊಡೆದು, ಮತ್ತ್ ಬೆಂಗಳೂರು ಕಡೆ ನಮ್ಮ್ ಬೈಕ್ ತಿರ್ಗಿಸಿದ್ವಿ. ಆದ್ರೆ ನಾ ಮಾತ್ರ ಇನ್ಮ್ಯಾಗ ಕುಕ್ಕಾನ ಬೈಕ್ ಹತ್ಟಂಗಿಲ್ಪ ಅಂತೇಳಿ ಅಲ್ಲಿಂದ ಹೊಂಟ್ವಿ.
ಕುಣಿಗಲ್ ಡಾಬಾದಾಗ್ ರಾತ್ರಿ ಊಟ ಮಾಡಿ, ವಿಜಯನಗರದ್ ರೂಮ್ ಮುಟ್ಟಿದಾಗ ರಾತ್ರಿ ೧೧ ಆಗಿತ್ತು. ಅಂತೂ ನಮ್ ೩ ದಿವಸದ ವೀಕೆಂಡ್ ಮೊಜಿನ್ಯಾಗ್ ಕಳೆದು ಹೋತು.
No comments:
Post a Comment